نصيحه مجرب الى المجربين الجدد..........((( الجسر الاكاديمي))) - الصفحة 7

عاشق جوفنتوس · 30-10-2003, 02:25:24 PM

بسم الله الرحمن الرحيم مشكوورين كلكم على هذا الموضوع الحلووووو جداً بصفتي طاتلب سابق في العلمية والجسر الأكاديمي حاليا اقول للكل وخاصة طلبة العام الماضي ماشفتوا اللي نشوفه السنة اول شي عدد الطلبة اكثر بشكل كبير 180 طالب او اكثر مب متأكد من الرقم بس اللي ابي اقوله اخوي دم الغزال محاضرتك بداية السنة كانت لين اللحين ترن في اذني ( الاحترام الاحترام و غض البصر ) و اعجبتني كلمة ( اكلمهم و انا اطالع الأرض ) وصدقني هذا الكلمة نفعتني واااايد هالسنة لان الاحراج بينا و بينهم موجود بس مثل ماقلت لاتعطيهم ويه( اقصد لاتطالعهم ) و مشكووور على النصيحة الغالية والله يخليها في ميزان حسناتك لانها نفعتني وااايد

و اختي مكسووورة الخاطر اعتقد والكل يعرف ان دراسة الأكاديميك هي الاصعب في الجسر و انا حاس باللي تعانونه من خلال اللي اسمعه من ربعي في الاكاديميك بس هذا مستقبلج وانتي ابخص فيه بس اعتقد مسألة الواجبات مث ما قال اخوي دم الغزال تكثر في البداية بس بعدين وانا اقولها تعودنا عليها تعودنا نسأل الطالبات عن الواجبات و تعودنا على ضغط الواجبات وانا الصراحة قدرت انظم وقتي صج اني في انتنسف2 مب في الاكاديميك بس اقولج االله يعينج على زانييييتا فانا من اللحين الشباب يشتكون منها فالله يعيني في الفصل الثاني

وايضا ابي ابارك لكل الطبة الحاليين في الجسر او العام الماضي بنجاح انتخابات المجلس الطلابي لطلبة الجسر و مع اني فزت بالعضوية بس مادري شلون رشحوني و اقول لطلبة العام الماضي اذا عندكم اي استفسار عن المجلس الطلابي ونشاطاته فأنا حاضر وتحت امركم ( دوركم تسألوني )

و في النهاية اقولج اختي مكسورة الخاطر باقي على الكورس اسبوع قرري فيه وفكري و شغلي BRAINSTORMING

مع تحياتي : طالب سابق في العلمية والبريدج حالياص

دم الغزال · 06-11-2003, 05:21:04 PM

السلام يا شديد

تسلم على الرد

واشوف من ردك حرقه الدين .........بارك الله فيك

الله المستعان وانشالله نور فجر الاسلام قريب

((( اللهم انصر الاسلام وانصر الاسلام بايدينا)))

________________________

تحياتي.....................اخوك عبدالله

دم الغزال · 06-11-2003, 05:27:03 PM

هلا باخوي عاشق جفنتس

الله يعينك يا اخوي الله يعينك

لا تنسون اي شي يطلع عليكم ردوه الى الدين

شوفوا الدين يتقبل الشي والا لا

وبخصوص مجلس الطلاب

اتمنى انه يكون له فايده
وتسلم مره ثانيه عى الرد يالغالي وبشوفك قريب انطر كم يوم

________________________

تحياتي........................اخوك عبدالله

عاشق جوفنتوس · 07-11-2003, 12:04:11 PM

بسم الله الرحمن الرحيم

في البداية مشكوور اخوي دم الغزال على الرد وانشالله المجلس الطلابي بيكون على قد المسؤولية وبتشوف نشاطاتنا خلال الايام الجاية
وانشالله نشوفك عن قريب في الدوحة وانشالله في الاسبوع الريست اللي عندنا

السلطــــان · 08-11-2003, 02:49:17 AM

السلام عليكم

اخوي عاشق جوفنتوس .. انا طلبت من الاخ بو عبدالعزيز في موضوعه انه يذكر لنا اخبار المجلس الطلابي في الجسر ..بس شكله ما انتبه

فياريت انت تبلغنا اول باول عن اخبار المجلس الطلابي ونشاطاته .. ما عليك امر ..

وانطرنا .. بنجيكم الجسر انا وليثوه لما ارد الدوحة ان شاء الله في شهر 12

اخوووك .. المجرب السابق ... السلطــــان

دم الغزال · 08-11-2003, 04:46:58 AM

السلام عليكم

عاشق جفنتس

اشكرك على الرد

وانشالله برد في شهر 12

يعني تو الناس

________________________

هلا بالسلطان والله بصراحه الي كان في بالي كتبته

والله اتمنى من الشباب انهم يكتبون لنا اعمالهم ولو كانت بسيطه

وجزالكم الله الف خير

_________________________

اخوكم................الاسترالي .........عبدالله

عاشق جوفنتوس · 08-11-2003, 10:34:53 AM

بسم الله الرحمن الرحيم

مشكورين اخوي دم الغزال واخوي السلطان على المتابعة وانشالله تشوفون جديدنا بس تعرفون مب كل شي يننشر بمعنى الشكاوي والاقتراحات و ............ اشياء ثانية

بس انشالله عطوني وقت وبطلع ايميلاتكم وانشالله بيوصلكم كل شي عن البريدج بعد كل اجتماع اسبوعي للمجلس الطلابي

وناطرينكم فشهر 12 في الكورس الثاني وليش لا في المبنى الجديد

إنتعاش · 08-11-2003, 01:15:37 PM

يا اخوان . . . ياريت اللي فيكم هناك ما يسكت عن المصخره اللي تصير .. .

. . . وخصوصا الشباب . . . ياريت يكون لهم صوت هناك . . . عشان يعرفون اللي هناك ان الناس ما تبي الاشياء اللي يحاولون يمشونها على الشباب والبنات . . .

. . . . . ونصيحتي لكل أخت هناك . . . الله يوفقج تكفين طلعي من هناك والله بيعوضج باللي أفضل من هالمكان بإذن الله تعالى .. . . .

. . .

السلطــــان · 08-11-2003, 07:36:01 PM

السلام عليكم ..

اخوي الايميل ممنوع هني .. لكن تقدر تقول لبوعبدالعزيز .. يكلم خالد يعطيك ايميلي

اخوي انتعاش ..

يالغالي احنا ما نبي البنات يطلعون .. احنا نبي الطرفين .. البنات والشباب .. يكونون قدوى ويلتزمون بالاداب والاخلاق الاسلامية .. واذا ياخوي البنات المحترمات طلعوا .. بنترك الساحة والدعوة لمن ؟؟

على فكرة اخوي .. في الجسر السنة الماضية .. كثير من الافكار تغيرت للافضل .. بدل ان تتغير للاسوء .. يعني صار غير اللي كان المفروض يصير ..

تحياتي

عاشق جوفنتوس · 09-11-2003, 01:40:29 PM

بسم الله الرحمن الرحيم
في الدباية اشكرك اخوي السلطان وانشالله بكلم بوعبدالعزيز وبصير خير

اخوي انتعاش اقولك لاتاخذ فكرة سيئة عن مكان من الاشاعات التي تطلع عنه اول شي لازم تجربه والله العظيم انا كنت مثلك بداية السنة اقول الله يعيني على التأقلم والاشاعات اللي بتطلع بس اللحين انا مقتنع ان اذا فيه اشاعات فصاحبها ............... اله يهديه بس وثاني شي فاقولك لازم تتأكد من الشي قبل لاتطلب وتنصح الطالبات بالخروج من الجسر وانا اقولك كثر الله خيرك على خوفك على بنات بلادك واحنا كلنا خايفين على بنات قطر .............

وشي ثاني اخوي احنا في المجلس الطلابي نأمل ان قبل خروجنا من البريدج والتخرج انشالله نكون غيرنا بعض القوانين والاشياء المفروضة علينا اللحين ولكن انت اخوي تعرف انه مب كل شي يتنفذ بين بوم وليلة لازم ياخذ ايام وشهور حتى نحقق هدفنا في النهاية

وبالتوفيق انشالله وناطر ردك اذا عندك اي استفسار او اي شي عن البريدج فأنا حاضر وبجاوبك على قد اللي اقدر عليه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع	تقييم هذا الموضوع
العرض العادي الانتقال إلى العرض المتطور الانتقال إلى العرض الشجري	تقييم هذا الموضوع: