موضوع العضو توتي ، يدتي فالعنايه على العين والراس

أكاديمي · 01-10-2008, 11:04:56 AM

السلام عليكم ورحمة الله وبركاته

مرحبا بالعنابيين والعنابيات

وكل عام وأنتم بخير

نتواصل معكم حول مناقشة المواضيع الفائزه في مسابقة الإبداع والتي مر

عليها أكثر من خمسة أشهر

وبعد أن تم عرض الموضوعين الذيين إحتلى المركزين الأول والثاني ، ها نحن نضع بين يديكم

الموضوع الحائز على المركز الثالث وهو للعضو أبو دم خفيف (( تــــــــــوتــــــــــــــي ))

أتمنى من الجميع المشاركة في هذا الموضوع وبالأخص صاحب الموضوع ...

عشان الموضوع ما يرقد

الموضوع بعنوان .... يدتك فالعناية على العين و الراس ،،بس راتب الخدامه بنقطعه

الموضوع

قبل شهر وعشرة ايام تقريبا ترقدت يدتي فالمستشفى بعيد الشر عنك ,, ولحرج حالتها انقلوها لـ العناية المركزة

المهم مب هاي موضوعنا

ندخل في المهم ،، مع بدء كل سنة مالية يديدة يطلع لنا مسؤول من المالية ويقول والله فائض الدولة للسنة
اللي طافت المبلغ الفلاني
( وهو مبلغ ضخم بكل تأكيد ) نقول في قلوبنا عسى الله يزيد ويبارك واحنا الحمدلله عايشين من خير الله و في
ظل سياسة امير البلاد المفدى
( عسى الله يحفظه )

والمعروف عنه ان كل رجل او امرأة كبير أو كبيرة فالسن يمشي لهما معاش من الشؤون الاجتماعية بالاضافة
الى راتب للخدامة ،،
الله يزيهم خير ويعوض الدولة خير في هالرواتب اللي يمشونها لكبار السن ..

لكن الطامة الكبرى ان بعد قضاء شهر وشي من اقامة يدتي في المستشفى تلقى احد اقاربي اتصالا من
مسؤولة في الشؤون
الاجتماعية ، تقوله : عرفنا ان الوالده فالمستشفى الله يشفيها , رد عليها ان هالكلام صحيح ، قالت له : احنا
بنقطع الـ 800 ريال مالت
الخدامه عنها لانها مب قاعده في بيتها وهي فالمستشفى وتحت عناية الطاقم الطبي !!
مع العلم ان الخدامه ليل ونهار قاعده عند يدتي ..

اللي ابي اوصله لكم ان احنا مب عيزانين عن دفع هالـ 800 ريال عن الخدامه ،، الحمدلله الخير وايد

بس السؤال اللي يدور في راس كل واحد يقرا هالموضوع

هل الـ 800 ريال اللي يمنون علينا بها بتأثر على ميزانية الدولة ؟!
هل الفنانيين و الفنانات وجميع الانشطة سواء الرياضية او الثقافية او العامية ,, اهم من رعاية او رد بعض
الجميل لـ ابائنا و امهاتنا ؟!

اقسم بالله ان احنا مب عيزانين عن هالراتب ، بس انت بتحاتي يدتك والا بتناقش في امور الشؤون الاجتماعية
وانت تدري انك مظلوم ومعاك الحق ؟!

وفي الآخير أشكر كل من ساهم في إنجاح هذه المسابقة التي كشفت عن مبدعين

في سرد الأحداث والمواضيع ........ ومع السلامه في مسابقة جديده وبشروط جديدة أيضاً

النجــلا · 01-10-2008, 04:38:24 PM

مرحبآ اخوي اكاديمي ،

ويعطيه العافية اخوي توتي على الموضوع الي يضرب في الصميم

بالفعل هل هم عجزانين من الـ800 ريال حق هالشياب والعجايز

الي الاجر فيهمـ اكبر

يعني لو نانسي عجرم والا اللاعب المحترف الفلاني والا الممثل الاخر

جايبينهم ماكان استخسروا فيهم الالوف والملايين

لكن هذا حالنا عين عذاري تسقي البعيد وتخلي القريب

واللهـ يرحمـ الحال ،،،

وتسلمـون ع الموضوع
/
تقديري واحترامي
النجــلا

evil2020 · 02-10-2008, 11:39:05 AM

مرحبا ومسهلا اكاديمي

عساك من العايدين والفايزين يالغالي

وبيض الله وجهك ياتوتي ع الموضوع

وفعلاً تستغرب من بعض الامور اللي يقومون بها

ومثل ماتفضلت محدٍ بيبخل على يدته او على اي حد بـ 800 ريال

لكن الغير ممكن محتاج لها .. يعني ياانها تكون فبيتها عشان الثمانميه ولا نقطعها

مب كلام بصراحه .. وشي يزعل اذا هم مستخسرين هالثمانميه على اهل البلاد

والملايين تنصرف على الممثل الفلاني والمغني العلاني وعلى هالبطولات

الله المستعان

اللاعب المخضرم · 11-10-2008, 06:37:07 PM

لاحول ولاقوة الا بالله لو لاعب كورة ولا مطرب كانوا غرقوه فلوس

لو بدالك اقوووله مالت عليك وعلى الــ 800 ريال فوقك خلها لك ..

خلنا من الفلوس وعوار الراس .. شلونها يدتك الحين ان شاء الله طيبه

الله يشفيها ان شاء الله ..

العميل السري2 · 12-10-2008, 11:02:30 PM

عين عذاري تسقي البعيد والقريب عطشان

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق مشاهدة الموضوع	تقييم هذا الموضوع
العرض العادي الانتقال إلى العرض المتطور الانتقال إلى العرض الشجري	تقييم هذا الموضوع:

:: اعلانات منتديات العنابي ::