مصير البنشرشية (البنجرجية)

المياسة · 24-09-2008, 04:57:52 AM

السلام عليكم ورحمة الله وبركاته

أخواني أخواتي

كل عام وأنتوا بخير إن شاء الله

حبيت أتأكد من هالخبر ، قرينا من فترة بسيطة ، أن البلدية تعتزم على نقل جميع ، البنجرجية للصناعية وذلك للمحافظة على نظافة البيئة (الدوحة) من التلوث ......

يا ترى هل تم تطبيق هالقرار ؟؟؟
ويا ترى لو تم تطبيقة ، هل كل تاير يبنجر بيودونه الصناهية ؟؟؟؟؟!!!!!!!!!!!!

مشكورين مقدما

اللاعب المخضرم · 24-09-2008, 07:39:50 AM

خل يهتمون بالشوارع الاول بعدين يفكرون بالبيئه ..

والي بروح الصناعيه عشان يعدل تاير راح يعدل يبدل كل التواير بسبب الحفر الي في الصنااعيه

الصراحه الصناعيه ماعادت تنطاق شوارع مكسره وحفر و و و و .. الخ واشغال والبلديه لاترى ولاتسمع

الصراحه قرار ماله داااعي وانشاء الله ما يطبق

أكاديمي · 24-09-2008, 02:15:29 PM

فال الله ولا فالج

وإن شاء الله مافي قانون بهالشي

وإذا فيه إن شاء الله ما يتطبق

Saleh Online · 24-09-2008, 06:41:53 PM

المشروع الجديد هو إن البنجري يجيك إلى مكانك .. كما قرأته في الوسيط التابع لجريدة الشرق من كم يوم

المياسة · 24-09-2008, 07:33:14 PM

ممشكورين على مروركم الكريم

انا قريت الخبر في جريدة الشرق والبنجرجية كانوا مستائين ، عشان جذيه حبيت اتأكد اذا القرار تنفذ او لا ؟؟

اكرر لكم شكري

almulla · 24-09-2008, 10:34:33 PM

الصناعية صارت ماتنطاق

السلطــــان · 24-09-2008, 11:24:24 PM

اي عاد ماشالله الصناعية شوارع من احسن ما يكون ونظافة وفااااااااااااااااااااااااااضية . .

انا مادري يعني ضاقت البلاد عشان ينقلون البنجرجية للصناعية ؟؟ يعني مب مكفيتهم الزحمة اللي توصل بالساعات احيانا عشان يزيدونها !!

أتمنى الخبر ما يكون صحيح . .

والف شكر لج اختي

تحياتي

عرباوى الجنوب · 25-09-2008, 12:05:15 AM

هذا تمهيد لقطع ارزاق هالفقراء وبكرة بيعلنون عن شركة خاصه لسين من الناس هى تكوش على الشغله صارت موضه
مثل مافنشوا الفراشين والفراشات من المدارس والوزارات وجابوا شركات خاصه 0

T O T T I · 25-09-2008, 11:02:13 AM

استغفر الله

تطفيش ما عقبه تطفيش

اشدعوه عشان اعبي هوا , اطق لين الصناعية و انطر بالساعات عند الدواوير ..!

تراب قطر · 25-09-2008, 11:41:57 AM

الحمدلله

الدنيا علمتني شلون اضرب جيك في اقسى الظروف :d

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق مشاهدة الموضوع	تقييم هذا الموضوع
العرض العادي الانتقال إلى العرض المتطور الانتقال إلى العرض الشجري	تقييم هذا الموضوع:

:: اعلانات منتديات العنابي ::