الموضوع منقول

ما اعتقد في جيل احسن من جيل والمشكلة في التعميم بشكل عام.........!!

اعتقد كل جيل فيه سلبيات وفيه ايجابيات وفيه الزين وفيه الشين .....!

لكن من الي اسمعه ان التدريس (( رغم التطور الحاصل شكلياً )) أصبح في خبر كان

..... من عدة نواحي ......

البنات (( اللبس والحركات النص كم والتدخين وغيره ))

والشباب (( سوالف التعاطي والحشيش والورعان وغيره ))

وهذه الفئات موجودة رغم قلتها الا انها تؤثر على البقيه ...!!

وطبعاً المدارس الحين ما فيها طق (( سو الي تبي محد يقدر يكلمك ))

والطلاب أو بالاحرى (( معضم الطلاب )) هالايام ما عندهم اي احترام (( لا حيا ولا مستحى )) ...!!

والا انت وش رايك يالشبة اكيد بتصف مع ربعك الشياب ...

السلام عليكم

بالطبع كل جيل فيه إيجابيات وفيه سلبيات . .

لكن اظن ان تحلطم الشيّاب هو طبيعة بشرية وزاده طبيعة المجتمع القطري . .

كل جيل يذكر جيله بايجابياته وغالبا ً ينسى او يتناسى سلبياته . .

ولذلك تشوفه يتحلطم ع الجيل الجديد انه كسول وانه رديء الأخلاق وانه وانه . .

ويتناسى الانسان بطبعه تغير الظروف والمواقف . .

وفوق هذا احنا في مجتمع غالبا ً ما يحب يحافظ على الموروث ويرفض مبدئيا ً كل جديد أو تغيير . .

ولذلك إذا شفت الشباب طلعوا لهم بشي جديد فالجيل القديم ينظر له بنظرة سلبية . .

حتى احنا بو 23 و 24 سنة نشوف نفسنا احسن من من اللي اصغر منا بخمس او ست سنين ونترحم على ايام الاخلاق العالية في المدارس والجامعات !!

يعني مثل ما اللواط والتدخين والحشيش منتشر الحين ترا كان منتشر اول قبل ما يصير الانفتاح وهذي الاشياء معروفة والكل شاهدها . .

فيعني مادري شقول . . بس الشيّاب من طبيعتهم التحلطم وبس + الشعب القطري شعب متحلطم ومتذمر وهذا ما يزيد الطين بلة . .

وبث

تحياتي

كنايس وبيت ازقرتية . .

التسمية تختلف . .

الزمن يختلف . .

المعنى واحد

شيبتنا الفاضل

انت استثني عمرك من السالفه ، لانك من الجيل القديم جيل " الشارليستون "

اما بالنسبه لجيلنا ، فاقولك بكل صراحه

اكثر من 50 % من شبابنا ماعندهم سالفه ومايسوون بيزه

السلام عليكم ورحمة الله وبركاته

الصراحة موضوعك في محله ،، أو بالأحرى كلام اجدادنا في محله 90% صحيح

تميزنا عن أجدادنا بما يلي :
تفوقنا العلمي .. وفهمنا للدين زاد .. بعد ما كان مقتصر على الملا أو المطوع ..

وسلبياتنا كثيرة :
رجال واحد عندهم يسوى 20 عندنا .. يعني بين كل 20 تلاقي واحد عدل
يكفي إنك تروح المجمعات أو سيلين وتشوف العجب والعجاب
ويكفي تشوفهم بره البلاد ، خصوصاً في الدول الغربية .. يفتلون وينسون دينهم .. طبعاَ بعضهم ..

أما أخواتنا .. بدون مانجرح في الملتزمات .. يكفي تروح المجمعات وتشوف الألوان والأشكال والأصباغ ، والخروج دون محرم
هذا غير نظراتهم .. ماصار في حيا .. أخبر مرة طلعنا سوق السمك مع الاهل وشفنا وحدة ماخلتنا بحالنا ،، الأخت جاية تشتري سمك للبيت ووافيناها عند المواقف .. الأخت طلعت تسوق سيارة .. لكن نظراتها والعياذ بالله تصد عنها مافي فكة .. كنها علوك .. رادار !!

طبعاً البعض منهم ..

بالإضافة إلى انتشار الصداقة بين الجنسين .. بلوتوث وتعارف ..
هذا غير التعارف والزمالة في الجامعات والمعاهد المختلطة .. خصوصاً وأنهم صغار .. يعني عقولهم ورقة بيضاء .. وهنا الشيطان يلعب لعبته ..
وغير الأجانب اللي لوثوا البلاد بمعتقداتهم .. وسلوكياتهم .. قبل في مشاهد ما نشوفها إلا في الدول الغربية ، أما الحين صرنا نشوفها علني في الأماكن العامة !! هذي مشكلة مجتمعنا الطيبة .. لما سمحنا لهم يسوون أي شي بدون ضوابط ..

باختصار زمان أول كان ستر وقناعة وتكانة ..
أما زمنا لعب ووناسة وطيش وكل يقول نفسي نفسي .. ولا عندهم حس بالمسؤلية ..


.. لكن بعد مانعرف أسباب الفساد الأخلاقي .. ممكن نعرف شنهي وسائل الحل المقترحة حتى نكون جيل ناجح ونسوى الملايين ؟!

موضوع ولا اروع،

وسبحان الله امس كنت اشوف برنامج الكشات مال المهندي
وقعدت اسولف ويا هلي عن بيتنا القديم وفريجنا والحياة شلون كان حلوة قبل ،،
وشلون الناس عايشه حياتها ببساطه، طبعا هالكلام من من زمان وايد فشلون فزمان ابهاتنا وامهاتنا
اكيد زمانهم كان احلى
والحياة كلما رجعنا بها لأول اشوف انها كانت احلى....

صح عندنا نت الحين ومنتديات ونعبر عن رأينا اكثر
وماسنجر يقطع الاشواط والاميال يخيلك تشوف اخوك مثلا اللي يدرس برا كل يوم ،
وعندنا ثقافة دينية اوسع واكبر،
لكن القلوب اول كانت نظيفة مافيها حقد حسد استغلال، ،،

بكل بساطه ليت زمان اول يعود، ،، ابي عيالنا يطلعون يهيتون في الشوارع القوايل ولا نخاف عليهم ونبي راعي الصفيحة والايس كريم يمر على بيتنا كل يوم.....



وشكرا لك اكاديمي على الطرح المميز، وفقك الله واسعدك