بسم الله الرحمن الرحيم

أكيد كلكم متضايقين من الرادار بسبب كثرة إنتشاره في قطر

المهم أنا جربت طريقه كنت مجربها من قبل في الإمارات وإنجحت وجربتها في قطر وإنجحت بعد

والطريقه هذي جربتها في مكانين بس

وهي إنك إذا شفت الرادار الثابت اللي على طريق سلوى لاتضرب بريك وتبهدل اللي وراك لا

روح للشارع الرابع اللي على اليمين وإضحك للرادار وطلع له لسانك بعد

ماراح يشوفك

والمكان الثاني جسر الوجبه اللي عند بيت سمو الأمير هو 3 خانات والرابعه مواقف إمش في المواقف وإضحك هالمره

علشان تبين للرادار إنه صج مصخره

هذول اللي أنا جربتهم يالله عاد كل واحد يجرب له حركه ويعلمنا علشان مانخالف وايد

المهم اللي يصيده الرادار مالي شغل فيه

والله هالحركه سمعتها من قبل

والي كان يكلمنا واحد من الربع فالمجلس

وقال اي رادار (( امش عالطريق الثالث او الرابع ))

فـ واحد من الربع ساكن فالوكره ( قال خلاص انا بجرب وانا راد البيت وبعطيكم خبر )


راح الحبيب (( وطبعا معروف وين رادار الوكره )) اول الشااارع

فالحبيب مشا حسب الخطه المتفقه

(ولكن للاسف )) طاااااااااااخ فلاااااااش

اتصل (( وما قصر في رفيجنا طبعا من الكلام المعسل ))

بن لادن تخيل بس لو صار لك حادث وتوفيت منه وش راح تقول لربك ؟

تدري انه انتحار صح !

ولا الدين عندك تاخذ منه اللي يعجبك وتترك اللي مايعجبك

اعتقد انك تعرف على الاقل واحد من ربعك توفى بسبب السرعه الزائده

ماراح يفيدك الضحك على الرادار لما يصير فيك حادث لاسمح الله بسبب السرعه

والله يهدينا ويهديك انشالله

والله ياخوي بن لادن ماتوقعتك تقول هالكلام وطبعا انا مع الاخ برشاوي الفلوس تروح وتجي ولكن روح الشباب من يتحمل مسؤوليتها واعتقد مشاركتك هاذي في غير محلها ويجب حذفها لانها تسيء لك انت شخصيا وانت تعلم الشباب كيفية التحايل على الرادار في المقابل تعريض ارواحهم وارواح الغير للخطر .

اسمح لي اخوي بن لادن اقولك في هذه المشاركة خانك التعبير فيها واتمنى انك تحذف الموضوع لو تقدر

اذا مشيت على المواقف بتكون مخالفتك اكبر وخطأك اعظم
وان شالله ما نحتد على السرعه امر الله بسعه

ليش تبهدل نفسك

اذا عندك مسابق سفن اب عاللوحه + تراب وامورك طيبه : )

ان شاء الله مابه اجد يسرع في هالمنتدى هع

مايجي من وره السرعه خير
بس ليش يا جماعة خذيتوا الموضوع بهذه الطريقه

نقول مثلا بن لادن قال الموضوع عشان يبين مدى عدم دقة

الرادارات

اقتباس:

المشاركة الأصلية كتبت بواسطة أكاديمي أخواني الكرام أعتقد ان بن لادن قطر ما يقصد ولا يروج للسرعه ، ومثل ما قالت العضوه ليه يا دنيا ، ممكن يقصد إنه يبين عدم دقة الرادارات اللي عندنا وبعدين ليش تشوفون الموضوع من جانب واحد ، شوفوه من عدة جوانب ولا تحكروه في زاويه ضيقه . اما بالنسبة للموت ، أعتقد بأن الموت لو جاك بيجيك وأنت واقف في المواقف أو وأنت ماشي 20 كم ، مب شرط إنك تسرع عشان تموت ... أتمنى من الأخ بن لادن قطر يرد ويوضح لنا وجهة نظره حول هذا الموضوع ، وايش اللي كان يقصده . وأسف على هالمداخله

يعطيك العافيه على هذا الرد ولكن

تصحيح

ومثل ماقالت العضوه ليه يادنيا