السلام عليكم والرحمه
اليوم بغيت احطلكم هالموضوووع اللي يبين الفرق بين نوعين من الرجال
1 الاتيكيييييييييت
2 الدفــــــــــــــــــش

واتمنى انه ينال على اعجابكم
وكل واحد يخبرنا هو من اي نوووع


الريال الأتيكيت
يستخدم ألفاظ مناسبه في الوقت المناسب
وكلامه يكون واضح و مفهوم...


:الريال الدفش
يدخل السوالف في بعضها وما تعرف شوه
يقول بالضبط وعن امنوه يتكلم...

=========================

:الريال الأتيكيت
يوم يشوف وحده في أي مكان يخليها
اتطوف قبله من باب الأحترام...(laidies First )


:الريال الدفش
حتى لو كانت البنت واقفه قبله يحاول
أن يسبقها ويمكن يدزها بعد...

=========================

:الريال الأتيكيت
يوم يكشخ بكندورته وغترته (طبعا نفس اللون)
ويتعطر بعطر رجالي هادي...


:الريال الدفش
الكندوره في صوب والغتره في صوب والنعال
في صوب ويتعطر بعطر حريمي بعد...

=========================

:الريال الأتيكيت
عقب ما يتغدى أو يتعشى ينش يغسل ايديه
بالماي والصابون...


:الريال الدفش
ما يكلف على عمره حتى يآخذ كلينكس
أقرب شي( الوزار) هع هع

=========================

:الريال الأتيكيت
يوم يعزم ربعه يعزمهم في مكان راقي
أو في ميلس بيتهم...


:الريال الدفش
يعزمهم على شبس وعصير وشاي كرك
عيل ليش تعزمهم ههههههاي...

=========================

:الريال الأتيكيت
لو انعجب بوحده في المول يتم يتطالعها
ويسوي روحه ما يشوفها وهب مهتم لها
وف خاطره يحط الرقم في ايديها وطبعا
ما يسويها .....


:الريال الدفش
يتم يطاردها تقولون دورية شرطه وراها
من مكان لين مكان ويرقمها ويرقم وحده
غيرها في نفس المول (عافانا الله) هههههههه

والسموحه عالقصووور