الحقيقه توقيع اللاعب لوا لوا هو الذي شدني لكتابة الموضوع النقاشي فقط لاغير ومافيه اي نقد


الموضوع هو توقيع ادارة العربي لمدة 3 سنوات مع لوا لوا ومن قبلها مع كيم 3 سنوات

مادري ان كانت الخطوة صحيح ولا فيها مغامره وخاصه التوقيع 3 سنوات مع لاعبين اعمارهم 28 وفوق شي خطير نوعا ما في وجهة نظري

وخاصه اذا ماتوفق اللاعب مع الفريق في الموسم الاول ورغب النادي في تغيره هنا المازق الذي وقع فيه الريان والخور والكثير من الانديه عندما تعاقد على سبيل المثال مع تياغو وويلتون ومن ثم لم يقتنعو باستمرارهم مع الفريق نفس الحال مع الخور الي وقعو مع ريدريغو وديسوزا وعق مابقو فيهم


وخاصه ان المدربين يتغيرون والادارات تتغير والقناعات تتغير

اعتقد ان التوقيع يكون فيه مغامره خطيره اذا كان لمدة طويله حتى لو كان اللاعب معروف مستواه مثل تياغو كان مولع مع ساوباولو البرازيلي لكن ماتوفق مع الريان

وايضا يجب وضع الاعتبار عمر اللاعب في حال التعاقد معه

مادري شرايكم

بالعكس شي ممتاز
واذا ما توفق بينقط على اي فريق ثاني
واذا توفق بيستمر
واذا جاب سعر بيطلع برى
يعني النادي ما راح يخسر شي لانه اصلا ما دفع شي
وفي كل الحالات لجنة الاعبين المحترفين اتحل هالأمور
وتسلم اخوي

انا معاك يالعميل السري

لكن في مشله توجه هذي الفرق الي توقع 3 سنين مثل مشكلة ريدريغو الخور الي رفض كل العروض والخور غاص باللاعب ومتوهق به ونفس الشي تياغو الريان غير اهم صرفو ويلتون باليالله

واعتقد يجب ان يراعى عمر اللاعب في الصفقات الطويله مثل بيسكو الصفقه الناجحه لان عمره صغير

انا مع الــ 3 سنوات اذا ماتوفق اعرته واستفدت من فلوس اعارته واذا بدع زين فوق زين

على فكرة الهلال السعودي كان يفاوض لوا لوا

يعطيك العافية

شكرا ياعسل على ردك



بس المشكله اذا ماقدرت تصرفه هني الوهقه مثل ما الخور والريان متوهقين في لعيبتهم الحين

ماعليك انا باصرفه

لو نلعب معاه فالفريج ...

تطمن ..

3 سنوات سلاح ذو حدين .. ممكن تتوفق ويمشي معاك نفس بيسكو .. ويمكن تتوهق فيه نفس تياغو وردريغو ..

انا اشوف ان لو يتم التعاقد لسنة أو سنتين .. مع إمكانية التجديد لسنة اضافية يكون افضل ..

وفي كل الاحوال اللجنة الاولمبيه هي الي تتكلف بدفع رواتبهم سواء العبو مع الغرافه ولا مع الشمال

اذا توفق اللاعب فراح يكون مكسب كبير لانه ممكن يستمر ويقدم مستوى ممتاز وهاي الشي بيسبب الاستقرار للفريق بشكل عام واذا فشل ممكن تصرفه برع مع العلم ان هاللاعبين معروفين على المستوى الاوربي

تسلم اخوي على موضوعك وانشاء الله العربي يتوفق مع محترفينه

انا مع اخوي اباتشي وفخور والسبب ان سنه او سنتين مناسبة لجميع الاطراف اللاعب والنادي واللجنة الاولمبية