السلام عليكم
صراحة موضوع مميز وحلو ويرجع للواحد ذكريات قديمة عاشها
وطبعا مهب قايل لكم كل السوالف وباتعدى المرحلة الابتدائية والاعدادية وباتكلم
عن المرحلة الثانوية كنت قمة بالشطانة والخبث (( بس قلبي أبيض زي الرز)) هاهاه
القصة الأولى باختصار كنت أكره شي اسمة الرياضيات وما احب هالمادة اصلا
وفي يوم الامتحان قعدت عند رفيجي وكان شاطر وحتى اذكر ان طلع الثالث في الثاوية العامة
على مدارس الدوحة كلها ((( ما شاء الله عليه ))) وأول حرف من اسمه جسوم العمادي
وتميت اكتب واغش من ورقته على أمل النجاح .... وثاني يوم .
جانا المدرس وقال عندي لكم مفاجأه وكانت الدرجة من (15)
وقال من تتوقعون خذ الدرجة الكاملة واحتاروا التلاميد اللي يأشر على المصري والي على السوري
وانا ماعطي الدنيا الطناش لأن الموضوع ما يهمني أصلا ..
اشوي الى جاب اسمي انصدمت وكأن واحد صاب علي قلاس ماي بارد .....
جبت (15/15) ورفيجي العمادي (14.5/15) واموت واعرف شالي كتبته زيادة عنه .

الموقف الثاني :-

أول شيء باتكلم عن الجو العام للصف ((( اختبارات نهاية العام الدراسي للثانوية العامة)))

كان مديرنا اسمه عبدالله (من غير اسم العائلة) وكانت الأمور طيبة والحياة حلوة والبراشيم والمذكرات متوفرة
دخل علينا الصف وقال ترى الوزير بيمر عليكم بالعربي كلا يخش برشامته .
طبعا حطيت في بالي لما الوزير يدش ويتقهوى ويسولف يبيله ساعة وكان اطلع البرشامة واحطها في الملزمة ((ما اعرف شسمها) المراد حطيت البراشيم في الصفحة الرابعة .اشوي الا تمتمتم .
طب علينا الوزير وكان الله يذكره بالخير (مادري هو حي والله ميت ) عبدالله بن تركي السبيعي
وسبحان الله أول مادش دش على اخوكم ويقرا اسمي على ورقة الاسئلة ويقول شلونك ناصر
وارد عليه وانا في كامل الصدمة فاج الحلج ها وهو يفر الصفحة الأولى وكان بفر الورقة الثانية ويسأل
الامتحان شلون صعب ولا سهل وانا للحين فاج حلجي واقول ها .
وكان يفر الصفحة الثالثة ويقول يالله شد حيلك والله انه هد حيلي لو فار بعد ورقة كان اطلعت الفضائح
بس الله سلم وثاني يوم حاطين صورتي في جريدة العرب .
واسمحولي على الاطالة .
(( ترى الغش حرام )) بس ماكنت ادري ومحد قاللي
وتحياتي للجميع