السـلام عليكم ورحمة الله وبركاته..

وعليكم السلام ورحمة الله وبركاته

حيالله بن لادن .. ادري اني جايه متأخر بس عاد شسوي
قلت لازم اسألك في الوقت الضايع قبل ليصكرون الموضوع..

الله يحييج لا بالعكس وأنا في إنتظار بعض الأعضاء اللي للحين ماسئلوا ومن بينهم الجواهر مادري شتبي تسأل عن البترول

عموماً عندي كم سؤال ع الماشي..

تفضلي طال عمرج

1- شنهو الدعاء الي دوم تحب تدعيه؟

اللهم يامقلب القلوب ثبت قلبي على دينك

2- تحب الحلوى والا المتاي؟ (شدخل)

كل شي من البحرين أحبه

3- تحس في شي ناقصك؟ اذا ايه..شنو هالشي !! وهل تتوقع في يوم راح يكون موجود

كل إنسان في على وجه الأرض فيه نقص وأكثر شي أحسه ناقصني حفظ القرآن والعلم الشرعي أسأل الله سبحانه أن ييسر لي حفظ كتابه ويفقهني في الدين
وإن شاء الله راح يكون موجود وأنا أحاول دائما الوصول لذلك الشيء

4- هل تتوقع ان الصـديق أوفى من الأخ !! بشكل عام..

أكيد لا ممكن تكون هناك بعض الحالات ولكن أولا وآخرا تلقين الأخ أقرب من الصديق في الأغلب

5- كم مره تفشلت؟ وممكن يعني تذكر لنا كم موقف ويهك انقلب فيه طماطه

واااااااااااااايد وما أقدر أحدد
مافي موقف محدد في بالي ولكن من كم يوم كنا نتغدى في الدوام وكانوا معاي إثنين من الربع وشفت واحد معرفتي فيه بسيطه ولكني أعرفه المهم إن عيني كانت في عينه ورفعت يدي أسلم عليه وهو صد بس مادري كان قاصد وإلا لا واللي معاي قالوا لي شلك فيه وشتبي فيه زين فشلك صحيح في البداية تفشلت بس لما تذكرت إن إذا الواحد سلم يردون عليه الملائكه السلام ماهتميت في الموضوع

6- اخر سؤال.. ذكريات طفله..شرايك فيها؟ ايجابياتها & سلبياتها اذا ماعليك امر

شخصيه مرحه تحب المرح قنوعه في الرأي متقبله للرأي الآخر
إيجابياتها : شخصيه ثقيله رزينه لاتتعمق في مالايعنيها
سلبياتها : قليلة التواجد في المنتدى وقليلة المشاركات

ويعطيك العافيه

ذكريات طفله