باااك
اول شي هذي المره الثانيه صح مممم اوكي
يسلموو الغيوره ع الاختيار
انا يومي عاااادي وروتين ....بستثناء الويك اند
بس خلني اتكلم عن امس الاثنين
دوم انا مافي دراسه الحين ولين الحين مابدينا فالصيفي اقوم من النوم الساعه 11:00
او ان المنبه ايصيح 11 طبعا اسكته ورد اكمل يرد يرن 11:10 اسكته ورد اكمل
......لين ال11 ونص
وطبعا هذي قمة اللذه بالنوم
المهم اقوم اتسبح وصلي
وفالصيف الواحد ماهو حول الثوب تيشيرت وجينز وحرك
يعني خفيف خفيف
اركب السياره ع قولة بلادن (ك***) مايحتاي اقول شيسميها
بعد الترحيب الحار من الموتر
رحت للوالد المكتب وزفني شوي ع كم اورقه وقعتها وهو مب راضي ..المهم
طلعت من عنده وطيران قبل ال2 ونص ع الدوام ...
وصلت الدوام االا يقولولي يالله ع المبنا الجديد ...فلازم اتشيل اغراضك لان بعد يومين خلاص
^__________^ حد الوناسه
المهم رحت المكتب وقبل لا اوصل المكتب شفت المهندس
الا يقولي حطيتلك اشوية اوراق خلصهم ودخلهم فالكمبيوتر علشان اتروح المبنا الجديد
قلت اوكي .....اول ماوصلت المكتب
النذل
انكرفت صح لين الساعه 8
ومريت ع واحد من الربع ورحنا الاندمارك
ومادري عاد هو غدا ولا عشا ولا شالسالفه
المهم انا شريت تيك اوي وطلعنا ع طول ورحنا المجلس
والشباب قانو يلعبون سوني كالعاده وتحدي ...الخ
بعدها اتفقنا كلنا ان بنروح البحرين يوم الخميس
المهم طلعت من الميلس ع الساعه 1ونص تقريبا
رحت البيت
الوالده سهرانه مع الشوتايم سلمت عليها وقعت معاها شوي
ورحت الغرفه ادور شي اسهر عليه
وفي النهايه رسينا ع كونان
المهم لازم انجهز المزا
فروله الكروان
وبعدها افتح الاب توب
علشان اخليه اينزل حلقات نارتو لهلسبوع
خليته اينزل وانا سهران مع الموفي وصلي الفجر
ورد اكمل الموفي وتميت مع التلفزيون لين الساعه 6 ونص الصبح
بعدها انام ....
.....ورد اقوم الساعه 11 مره ثانيه
هذا امس .....
والله كنت ابي اختار بوصالح
بس اذا بوصالح مايبي يكتب
عيل خل بوصالح يختار
