منتديات العنابي - عرض مشاركة واحدة - عندما كادت الخادمة الاندونيسية ان تنهى حياة أخي ..!!

ظبيانية وحداوية · 01-07-2008, 02:43:00 AM

الخدم صار ضرهم أكثر من نفعهم ..
ما يي من وراهم إلا المصايب ووجع الراس ..

و مع كل اللي نسمعه، تحصل البعض للحين مخلي البشاكير ع راحتهم بدون حسيب و لا رقيب ..!

اذكر بشكارة عمي، شكينا فيها مرة و فتشنا شنطها و لقينا ألبومات فيها صور لكل العائلة و حتى الجيران ..!
كان عندها كل مفاتيح البيت ..!
و كانت كل فترة طرش حق أهلها كراتين، عقب اكتشفنا انها تسرق من بيت عمي (( عيش، سكر، معاجين أسنان، ماجي، صحون، شاي، ساعات، .. أشك انها فتحت سوبر ماركت فبلدها

)) ..

و كانت تضرب البشكارة الثانية عسب ما تفتن عليها، حتى أنها صورتها مع ربيعها البنغالي و كانت تهددها طرش الصورة حق ريلها لو رمست ..!
سوالف هالبشاكير و الله، الله يحفظنا ..

و الحمدلله انكم لحقتو على أخوك قبل لا يصير فيه شي ..!
و الله يوفقه و يسعده في زواجه ..