السلام عليكم ..
ابن لادن تحت الميكروسكوب
اول مره اشارك في تحت المجهر اظن..
عندي سؤال ,, واتمنى الصراحه منك
حاضرين طال عمرك إسئل وبتلقى الجواب في ناظر عيوني 
بتسافر هالصيف ؟ ووين ؟ ومع من بتسافر؟ يعني تحب تسافر مع الربع اكثر والا مع الاهل ؟
إن شاء الله , ماليزيا بإذن الله , مع الأهل , والله هي تعتمد يعني مع الربع لها طعم ولون ومع الأهل بعد نفس الشي ولكن أنا أحب أسافر مع الأهل أكثر ولو إنها أقل من السفر مع الربع هذا لوحسبنا سفرات الصد والرد
و
هل انت بيتوتي , والا قعداتك مع الربع وفي المجلس اكثر؟
نوعا ما وليس بيتوتي بمعنى الكلمه , وأنا ولله الحمد مقسم الأيام مابين الربع والأهل فيوم مع الأهل ويوم مع الربع ولكن أحب القعده في البيت أكثر من الهياته
مو في خاطرك اتروح السينما مرات 
؟< الظاهر الوجه الاخضر مايصير ابيض فضيحه
لا ولله الحمد قبل كنت أروح كثير حتى بعد إلتزامي بفتره كنت أروح ولكن بعد وقت شفت إن هذا المكان مايناسبني والحمدلله رب العالمين صرت حتى التلفزيون ما أشوفه إلا ماندر وإن مريت عليه إما على الكاس وإلا الجزيرة
في كم منتدى مشارك غير العنابي ؟
مشارك في 7 منتديات 4 إسلاميه و3 عامه ولكن ما أشارك فيهم إلا ماندر ووجودي في الإنترنت للعنابي بس
وليش دايما انت وقطر فورايفر بينكم مشاحنات ؟
بالعكس طال عمرك هذي ما أسميها مشاحنات لأني أنا احترم شخص هذا الرجل وأحبه فما أرضى عليه إني أشوفه في وضع خطأ أو أشوفه يسوي شي غلط بدون ما أحد ينصحه
وللأسف تلقى ناس تصفق له على الخطأ ولو كان الخطأ بسيط فإحنا نسعى للكمال يعني في بعض مواضيعه الإستنتاجيه نشوفه يفسر ويحلل المسأله ويفصل فيها دون اللجوء للنظرة الشرعيه فأنا لأني أحبه وأحب إن يكون موضوعه كامل مكمل للعلم والدين والشرع وأن لا ياتي بشيء يخالف العقيده أقوم على نصحه ولكن أعتقد إنه هو مايحب يسمع شي مني ويحسبني إني ضده او إني أحسده على هالشي مع إني بالعكس أكثر واحد في المنتدى مبسوط على هالشي
بعكس بعض الأخوه تلقاه يصفق له وهو مب عارف شالسالفه
شنو سلبياتي ؟
ليست مجامله ولكن إلى الآن مالقيت شي معين بس خلني أقدم لك نصيحه هذي أنصحها كل الناس دون إستثناء وهي تقوى الله عزوجل
هل انت حريف كوره ؟ يعني تحب الكوره والا بس من الناس اللي يلعبون بس عشان يحافظون على اجسامهم .. مادري احس انك متين مب رياضي
كنت حريف , لا هذا ولا ذاك فأنا كنت حريف وعقب وقفت عن الكورة لمدة 10 سنوات تقريبا وفعلا متين ولكن إن شاء الله بعد شهرين بتلقاني مخصر 
لو حطوك مدير كل شي في قطر شبتسوي
يعني مدير اشغال ومدير المرور ومدير البترول ومدير مدرسه ومدير دكان ..إلخ
مدير في كل شي يعني أمير لأن الأمير هو مدير قطر
لو حطوني مدير أول قرار باخذه إعادة المطالم لأهلها وباسعى للتحاكم وتحكيم الشريعه هذي الأولويات عندي
شرايك في اللي يعترضون على الزواج اكثر من مره ؟ يعني شرايك حول الموضوع؟
بالنسبه للي يمنعون التعدد أو اللي يعترضون على هذا الشي كأنهم يعترضون على شريعة رب العالمين لأن هذا أمر رباني بل إن الأصل في الزواج هو التعدد وهو ما أمر به صلى الله عليه وسلم صحابته والأحاديث في ذلك كثيره
يعني بالعربي أنا من أشد المؤيدين للتعدد
شرايك في الاثنين اللي في توقيعي .. اللي يقولون ثنكيو =)
مالهم حل ذبحوني من الضحك 
بس خلص سؤالي
