منتديات العنابي - عرض مشاركة واحدة - {{}{}{} جــريــمهـ سويتها وانت صغير}}{}{}{}{

White Rose · 21-06-2008, 03:04:38 PM

اقتباس:

المشاركة الأصلية كتبت بواسطة ولد اليافعي

عنابي كتالوني ما حبيتا منك بنوب هيك بتسرق وانت كبير ........!!

انا عندي قصة مشابهه بس وأنا في الصف الرابع ايه الصف الرابع يعني كنت داهيه من الابتدائية

بس لاحظه ...

انا تفاجأت يوم اطلعوا المجرمين الي بالمنتدى وانا عبالي مساكين

المهم ارجع لسالفتي الي صارت وانا مثل ما قلت لكم بالصف الرابع .....

كان عندنا اختبار علوم وانا ذاك اليوم ما درست خير شر ولا حبيت المادة اصلا لان المدرس

مب من النوع الي يحببك بالمادة المهم الحين بدى الامتحان شسوي حاولت اقرأء الاسئلة

بس نو ويه ما استوعبت شي كلش فقلت شسوي الحين قعت اتلفت يمين ويسار وطالع الاستاذ

قلت خلاص ما يبيلها خربانه خربانه ما في الا اخذ الامتحان ووديه معاي البيت ...

.....!!

انا اعرف اسلوب الاستاذ عشان جيه خذت هالقرار

طبعاً الاستاذ من النوع الي ما يمر على الطلاب وياخذ الامتحان

لا ينطر كل و احد يجيه ويعطيه الامتحان عاد ذاك اليوم الكل تأخر بتسليم الاوراق

قلت والله فرصة واحط الامتحان بالدرج والشباب كلهم سلموا اوراقهم الا انا

وكان عندي احساس انه ما راح يسأل ولا راح يصحح في نفس اليوم

المهم رحت البيت وطلعت الكتاب (( هذا بعد ما رقت )) وخذت راحتي وجان انقل كل الاجابات

يعني اجابات نموذجية ..

... وصفط الاوراق وخذهم معاي اليوم الثاني وبعد الطابور

على طول رحت الصف والشباب كانوا وراي ودشينا الا اقول لاواحد من الربع .......!!

طالع شوف هذي ورقتي مقطوطة ...!! طبعاً انا قاطها على الارض

قلت له شلون الحين الاستاذ ما راح

ينجحني بالامتحان شسوي الحين ...!! قعدنا نفكر واصلاً انا حاط بالي شلي بيصير بالضبط

قلت ما في الا انك تروح وتعطي الاستاذ الامتحان وتقوله انك لقيتها مقطوط بين الطاولات

والظاهر طاحت من بين الاوراق .....!!

على طول خذى المتحان ووداه للاستاذ وبعدها بيومين يانا الاستاذ وقام يوزع الدرجات (( طبعاً ما يقدر يقول شي ))

جان اييب العلامة الكاملة ...!!

لا لا انا مب غبي بالعماله غلطت بفراغ

عشان ما يشك الاستاذ ...!!

وسلامتكم

شفتوا اني مالي بهالسوالف واني عاقل ولا اتشيطن

لا ويقول لي عاقل وانا صغير

طلع طلع الي عندك ما اظن انها جات ع هالحد

يالغشاش