عاد وانا صغير كنت والله ياحليلي عااااااااقل وعلى قولتهم القطو ياكل عشاي لكن لين كبرت استلعنت وطلعت الشيطانه اللي كانت
مكبوته فيني وانا صغير ، طلعتها وانا كبير وآخر جريمه سويتها من قبل اسبوعين
:: الجريمـــــــــــــــه هي ::
ســـرقة أمتحان الفاينل
اتفقت مع شباب انبوق امتحان الفاينل من عند الدكتور وبالفعل الشباب ماكذبوا خبر وكل واحد دق الصدر ،
اتقفنا انقسم الخطه شباب يبوقون الامتحان وشباب ياخذون الاوراق ويصورونها من الـ library والباقي يراقب
بالفعل دشينا قسم المحاسبه بعد ماعرفنا مواعيد دخول وخروج اساتذة المحاسبه وكان انسب وقت الساعه 2 ونص الظهر في الزحمه وعلى مرئى الطلاب كلهم ، المهم الجزء المكلف بالمراقبه وانا كنت من ظمنهم راقبنا البابين والجزء الثاني من الشباب دخلوا المكاتب وفتشوها عدل وطلعنا الامتحان وعطوها للشباب اللي كانت مهمتهم التصوير في الــ library ، كل شي كان على مايرام لين ماصار وقت التصوير ...!!
والشباب قاعدين يصورون ورقه من الاوراق اعلقت في الآله والمصيبه الورقه تعفست ومب قادرين الشباب يطلعونها لين ماياهم السكيورتي ... هني كل واحد صار قلبه في ريوله ، لكن الحمدلله السكيورتي طلع غبي ومايدري وش السالفه وساعدهم بطل الآله وطلعوا الورقه وعدلوها وصوروها من جديد وحطوها مع الاوراق ورتبوا كل شي ... ورجعوا للمكتب وحطينا النسخه الأصليه مكانها بنفس ترتيب الاوراق وبنفس المكان حتى الدبوس مكاااااااااانه
وجا وقت الامتحان وانبطل الورقه وكااااااااااانت المفاجأه ..... تم تم تم تممممممممممم
لالالالا مافي لا مفاجأه ولا شي ... كان نفس الامتحان الاختلاف كان فقط في سؤال الاختيار المتعدد
