منتديات العنابي - عرض مشاركة واحدة

الحمادي280 · 03:47:07 AM

هلااا وغلاااا

بالجميع

بما ان الاعضاء تطرقوا لموضوع الحكام فحبيت أنــزل موضوعي لكم اليوم

اللي ماله اول ماله تالي

هل يعقل اننا نملك دوري وبطولات من اقوى البطولات العربيه ويمكن الاسيويه والحكام القطريين اللي يحكمون فيه هم اربع فقط......!!

وأنا حبيت اوجه سؤال للاتحاد القطري لكرة القدم والى الرجل الغيور على الكره القطريه واللي اعتقد انه مايرضى على اي لاعب قطري او حكم قطري اللي هو الشيخ
حــمــد بـن خـلـيـفــه آل ثـانـي أبغي أساله سؤال واحد..

وين هم الحكام القطريين الدوليين الاوليين...؟؟

وللاسف الشديد معظمهم اعتزل التحكيم مثل جاسم الهيل وعبدالله القحطاني وابراهيم الرميحي ومنهم من هد التحكيم مثل خالد الرميحي ومؤخرا علي الخليفي وانا مااعتقد
طال عمرك ان كل الحكام دون المستوى ومستواهم هابط وماينفعون في التحكيم ولاتنسى انهم ولمدة 15 سنه كانوا يحكمون في الدوري القطري وكانوا يشلون المباريات شيل وانا ماانكر ان هناك بعض الاخطاء اللي اطلعت منهم ولكن اعتقد ان الاخطاء ممكن يطيح فيها اي حكم عالمي لان مقولة تقول افضل الحكم هم الاقل اخطاء.

لكن اعتقد ان السبب الرئيسي لابتعاد الحكام القطريين امثال هارون المنصوري وجمعه العلي وعلى ثاني وخالد الرميحي وعبدالله القحطاني وجاسم الهيل هو عدم
وجود من يساندهم ماديا ونفسيا ودايم الهجوم موجه بأتجاهم من قبل الانديه المتمثله في الادرايين والجمهور لكن مافي حد من لجنة الحكام يدافع عنهم واكبر مثال على ذلك يوم اخطا المساعد الدولي ابراهيم علي في مباراة العربي والغرافه في الدوري العام سواء كان الحكم مخطى أو لا ظهر الخبير الفني للجنة الحكام الجنرال ناجي الجويني وتكلم عن الحكم وقال عنه ان الخطأ الذي وقع فيه لايقع فيه حكم براعم وبذر منه العديد من الالفاظ التي اساءت الى الحكم ولاننسى ان الحكم المساعد ابراهيم علي من افضل الحكام المسااعدين القطريين وهم حكام النخبة في اسيا ولكن كلنا شفنا خطأ الحكم الايطالي الواضح في مباراة السد والغرافه في بطولة كأس الامير وماشفنا بلبله مثل ماصارات في حالة الحكم ابراهيم علي وبكل رجوع ظهر الجنرال في البرنامج يدافع عن الحكم وقال انه قراره صحيح والسبب واضح لانه هو الذي اختار الحكم وجاء به الى الدوري القطري وهو المسؤول المباشر عن تعيينه..

ياجماعه ارحموا حكامنا ترى اذا استمر الحال على هذا المنوال اعتقد ان في السنوات الجايه ماراح انحصل حكام قطريين يحكمون حتى في البراعم وعلى فكره هذا المشروع يدرس من قبل لجنة الحكام بالاستعانه بحكام اجانب للتحكيم في جميع الفئات السنيه والمسالة واضحه ياعالم فكلها بزنز في بزنز للحكام الاجانب اللي يجون من برع واللي يتعاقد معاهم ياخذ كوميشن ((عمولة على كل مباراة))لانه عارف انه مثل ماجابوا راح ينشال وتخيلوا ان المبلغ اللي حصل عليه الطاقم التحكيمي في نهائي كأس ولي العهد يعادل ضعف مايحصل عليه الحكم القطريون طوال 6 اشهر من التحكيم هل يعقل هذا..!!

رســـاله من غــيور على مصلحة العنصر القطري في اتحادنا المـــصون

تحيتي لكم
الحمادي280